"Милан" ҳужумчиси Рафаэль Леау жамоанинг "Болонья"га (1:2) қарши ўйиндаги муваффақиятсизлигидан кейин ўз фикрини билдирди.
"Россонерилар" 43-дақиқада португалиялик форварднинг уринишлари эвазига олдинга ўтиб олди, аммо иккинчи бўлимда икки бор гол ўтказиб юборди.
"Биринчи бўлимдаги кайфият фантастик эди. Ажойиб ҳаракат қилдик, тактика нуқтаи назаридан ҳаммаси жойида эди. Кейин ғалати гол ўтказиб юбордик, бу ҳақда гапиришни истамайман. Ўйлайманки, агар иккинчи бўлимда танаффусдан олдинги кайфиятда бўлганимизда ҳаммаси бошқача бўларди. Бу бизнинг айбимиз," - деди Леау ўйиндан кейинги интервьюсида.
