"Барселона" "Бетис" билан Витор Роке масаласини ҳал қилди.
"Барселона" ва "Бетис" 20 ёшли ҳужумчининг ижарасини бекор қилиш бўйича келишувга эришди.
Энди каталонияликлар бразилиялик футболчини "Палмейрас"га сотиши мумкин. Битим суммаси 25,5+5 млн еврони ташкил этиши хабар қилинганди.
Аввалроқ, "Барса" "Бетис" билан келишувлар доирасида 23 ёшли севиляликлар вингери Абде Эззалзулининг келажакдаги қайта сотилиш фоизини 50 фоиздан 20 фоизга тушириши мумкинлиги айтилганди.
Бундан ташқари, "Бетис" "Барса"дан Витор Роке ўрнига 23 ёшли ҳужумчи Пау Викторни 2025 йилнинг ёзида сотиб олиш ҳуқуқи билан ижарага олмоқчи эди. Аммо бу вариант рад этилди.













