Эрон билан ўйиндан кейин Қатар терма жамоаси амалда ЖЧ-2014 йўлланмасидан бутунлай умидини узди. Буни тўғри англаган Қатар футбол ассоциацияси президенти энди бор эътибор ЖЧ-2018га қаратилишини таъкидлади.
"Ўйин оғир бўлди. Ўзимиз истаган натижага эриша олмадик. Энди биз бор эътиборни Россияда ўтадиган ЖЧга қаратамиз. Биз мухлислардан узр сўраймиз. Уларнинг терма жамоадан умиди катта эди", дейди ҚФА президенти шайх Ҳамад бин Халифа ал-Тани.
"Бизда бир гуруҳ ёш иқтидорли футболчилар бор. Биз уларнинг ёрдамида кучли жамоани шакллантирамиз. Жанубий Корея ва Эронга қарши 2та яхши ўйинни ўтказдик. Бу ўйинлар келажакда ҳам яхши ўйнаш олишимизни кўрсатиб берди", Ҳамад ал-Тани.