"Бёрнли" футболчилари ирқчилик туфайли "Престон" футболчиси билан қўл бериб кўришишдан бош тортдилар.
Жамоалар шанба куни Англия кубогининг 5-босқичи доирасида тўқнаш келишди. "Престон" 3:0 ҳисобида ғалаба қозонди.
Учрашув олдидан “Бёрнли” футболчилари “Престон” ҳужумчиси Милутин Осмажич билан қўл бериб кўришишдан бош тортишди – саломлашиш чоғида меҳмон жамоадан бирорта футболчи унга қўл узатмади.
Эслатиб ўтамиз, 15 февраль куни чемпионшип доирасидаги жамоаларнинг ўйинида «Манчестер Юнайтед»дан «Бёрнли»га кўчиб ўтган Аннибал Межбри Осмажични ирқчиликда айблаганди.
Кеча Кубок баҳсининг 44-дақиқасида Осмажич гол урди - "Престон" форварди қўлларини қулоғига қўйиб голни нишонлади.
