Пеп Гвардиола Родрининг майдонга қайтишига оз қолганини айтди.
Эслатиб ўтамиз, "Манчестер Сити" ярим ҳимоячиси 2024 йилнинг сентябрь ойида тиззасининг хочсимон боғламини йиртиб олган эди. У мавсум охиригача сафдан чиқиши тахмин қилинган эди.
"Шаҳарликлар" бош мураббийи Англия кубогининг 5-туридан ўрин олган "Плимут"га (3:1) қарши ўйиндан сўнг футболчининг аҳволи ҳақида маълумот берди.
"Биз ҳар уч кунда бунчалик кўп ўйин ўтказа олмаймиз. Ва албатта, бизга янги оёқлар ва жамоага қайтадиган футболчилар керак. Бу тўлиқ таркиб, Оскар Бобб ва Родрини ҳисобга олмаганда, иккаласи ҳам қайтишга яқин.
Бу бизнинг биринчи марта озми-кўпми тўлиқ таркибга эга бўлишимиз. Ишончим комилки, агар мавсум давомида тахминан шундай бўлганида, вазият бошқача тус олган бўларди," - деди Гвардиола «ITV Sport» телеканалига берган интервьюсида.
