Дани Ольмо Ла Лигадаги илк голли узатмаларни амалга оширди.
"Барселона"нинг 26 ёшли ҳужумкор ярим ҳимоячиси Ла Лига 26-туридан ўрин олган "Реал Сосьедад"га қарши ўйиннинг 25 ва 29-дақиқаларида Жерар Мартин ва Марк Касадога ассистентлик қилди.
Бунгача Дани Примерада каталонияликлар сафида 15 та ўйинда 6 та гол урган эди.
Мавсумдаги жами 24 та ўйинда Испания терма жамоаси футболчиси 7 та гол урди ва 5 та голли узатмани амалга оширди.
Эслатиб ўтамиз, Ольмо "Барселона" тарбияланувчиси ҳисобланади, аммо профессионал фаолиятини Загребнинг "Динамо" клубида бошлаган. 2024 йилнинг ёзида "Барса" футболчини "РБ Лейпциг"дан 55 млн еврога сотиб олганди.
