"Барселона" ярим ҳимоячиси Марк Касадо жамоаси сафидаги илк голини урди. 21 ёшли футболчи Ла Лиганинг якшанба куни бўлиб ўтган ўйинида "Реал Сосьедад" дарвозасига гол уриб, ҳисобни 2:0 кўринишига келтирди. Каталонияликлар йирик ҳисобда ғалаба қозонишди (4:0) ва 26 турдан кейин турнир жадвалини ўз назоратига олишди.
"Тўғрисини айтсам, бундай гол уришни кутмагандим. Ҳаммаси секин ҳаракатдагидек эди. Голни нишонлаш пайтида хаёлимга келган ягона нарса гербни ўпиш эди. Ҳеч ким менга бу ҳақда ҳеч нарса демади, чунки ҳеч ким гол уришимни кутмаганди" - деди Касадо ўйиндан кейин берган интервьюсида.
