"Барселона"нинг уругвайлик ҳимоячиси Рональд Араухо жамоанинг ҳозирги ҳолати ҳақида ўз фикрлари билан ўртоқлашди.
2 март куни "кўк-анорранглилар" ўз майдонида "Реал Сосьедад"ни 4:0 ҳисобида мағлуб этиб, Ла Лиганинг якка пешқадамига айланиб олди.
"Биз март ойигача энг яхши даражага етишимиз кераклигини билардик. Бу мавсумнинг ҳал қилувчи қисми ва жамоа ҳозир яхши формада" - деди Араухо Barca Universal билан суҳбатда.
Эслатиб ўтамиз, "Барселона" барча турнирларни ҳисобга олган ҳолда 15 учрашувдан бери мағлуб бўлмаяпти. 6 март куни Каталония жамоаси меҳмонда "Бенфика"га қарши майдонга тушади. Чемпионлар лигаси 1/8 финалининг биринчи ўйини Тошкент вақти билан соат 01:00да бошланиши режалаштирилган.
