Испания чемпионатида 26-тур ўйинлари бўлиб ўтди, "Осасуна" ўз майдонида "Валенсия"ни қабул қилди ва у билан 3:3 ҳисобида дуранг ўйнади. "Осасуна"нинг голларидан бирини клубнинг жорий мавсумдаги энг яхши тўпурари бўлган хорватиялик ҳужумчи Анте Будимир киритди - унинг ҳисобида ўн тўртта гол бор.
Бу голи орқали Будимир "Осасуна"нинг Ла Лигадаги энг яхши тўпурарига айланди - 58 та гол. Аввалги рекорд 57 та голга эга Сабино Андонегига тегишли эди.
Бу жадвалда учинчи ўринни польшалик футболчи Ян Урбан эгаллаб турибди, у памплонликлар сафида 45 та тўп киритган.
