"Ювентус" "Пари Сен-Жермен"га тегишли ҳужумчи Рандал Коло-Муани ўз сафида олиб қолмоқчи.

Франциялик футболчи жорий мавсум охиригача сотиб олиш ҳуқуқисиз ижарага олинган. Tuttosport хабарига кўра, "кекса синьора" раҳбарияти якунда форвардни кейинги мавсум учун сақлаб қолишга қарор қилган.

Катта эҳтимол билан, клублар 2026 йилнинг ёзида фаоллаштириладиган 40 миллион евролик бўлажак трансфер мажбуриятини ўз ичига олган ижара муддатини узайтиришга келишиб олишади. Туринликлар техник директори Кристиано Жунтоли "ПСЖ" маслаҳатчиси Луиш Кампуш билан яхши муносабатда, бу эса музокараларни осонлаштириши керак.