Англиянинг “Манчестер Юнайтед” клуби бош мураббийи Рубен Аморим манкунианликларнинг Англия кубоги 1/8 доирасидаги “Фулхэм” билан ўйиндан сўнг “қизил иблислар”нинг асосий мақсади ҳақида гапирди.
"Мақсад — Премьер-лигада ғалаба қозониш. Биламан, биз бу мавсумда ўйинлар ва совринларни бой беряпмиз, аммо мақсад яна Премьер-лигада ғалаба қозониш. Қанча вақт кетишини билмайман. Бу мағлубият туфайли бироз қийналамиз. Лекин олдимизга мақсад қўйганмиз ва нима бўлишидан қатъий назар, унга эътибор қаратишда давом этамиз. Мен футболчиларни яхшироқ тушуна бошладим ва лигани яхшироқ тушуна бошладим. Келажакда жамоа билан нима қилиш кераклигини биламан ва буни ўз вақтида кўрамиз", - дея Аморимнинг сўзларини келтиради клуб матбуот хизмати.
"Қизил иблислар" Европа лигаси 1/8 финали доирасидаги навбатдаги ўйинини 6 март куни “Реал Сосьедад”га қарши ўтказади.
