Ҳужумчи Габриэл Мартинелли ёзда "Арсенал"ни тарк этиши мумкин. «TodoFichajes» портали саҳифаларида хабар қилинганидек, 23 ёшли бразилиялик "Барселона" радарида. Каталонияликлар форвард учун 45 миллион евро тўлашга тайёр, шунингдек, шартномага ўз футболчиларидан бирини ҳам киритишади.
Мартинелли 2024/25 йилги мавсумда "Арсенал"нинг 35 та ўйинида майдонга тушган. Уларда бразилиялик етти гол ва тўртта голли узатмани амалга оширди. Габриэль жароҳати туфайли сўнгги бир неча ҳафта давомида майдонга туша олмаяпти ва апрель ойи бошида сафга қайтиши кутилмоқда.
"Барселона"нинг навбатдаги ўйини 5 март, чоршанба куни Чемпионлар лигаси доирасида "Бенфика"га қарши бўлади.
