Жаҳон шахмат федерацияси февраль ойи якунлангач, ўз рейтингини янгилади. Ушбу янгиланган жаҳон рейтингида кучли 100 ликдан 5 нафар ўзбекистонлик гроссмейстер ўрин олди.

Рейтингда Нодирбек Абдусатторов (2773) 6-ўринда қайд этилди. У аввалги ойда ҳам шу ўринда қайд этилган эди. Бу ойда унинг рейтинг очколари 7 очкога (аввалги ойда 2766) кўпайган.

Бундан ташқари, Жавоҳир Синдоров 29-ўринга кўтарилди. У аввалги ойда 31-ўринда эди. Синдоров рейтинг очколарини 2707 га етказди. Энг кучли шахматчилар рейтингидан Рустам Қосимжонов (2675) ҳам ўрин олган. Тажрибали шахматчи 49-ўриндан жой олган ва аввалги рейтинга нисбатан яна 3 поғона пастлаган. 2670 рейтинг очкосига эга шахматчи аввалги ойга нисбатан бир поғона юқорилади. Аввалги ойда 66-ўринда қайд этилганган Шамсиддин Воҳидов 51-ўринни эгаллаб турибди. Нодирбек Якуббоев (2654) бу ойда 71-ўринга тушиб кетди.

Ёшлар ўртасидаги рейтингда Жавоҳир Синдоров кучли учликдан қолди — 2707.

Маълумот учун, ҳозирда Чехиянинг Прага шаҳрида Prague Masters 2025 турнири бўлиб ўтмоқда. 26 февралдан 7 мартга қадар давом этадиган мазкур мусобақанинг Challengers гуруҳида ҳамюртимиз Нодирбек Якуббоев иштирок этмоқда. 5-тур натижаларига кўра, у ўз гуруҳида етакчилик қилмоқда.