"Реал" бош мураббийи Карло Анчелотти учта турнирда ўйнаш учун етарли футболчи бор-йўқлиги ҳақидаги саволга жавоб берди.
Италияликнинг сўзларига кўра, баъзида жароҳатлар янги имкониятлар очади.
"Бизда жуда жиддий жароҳатлар бор эди. Бу, албатта, мавсумга таъсир қилади, аммо бизда янги футболчи пайдо бўлди, улар бизга катта ёрдам беради, масалан Рауль Асенсио. Баъзида жароҳатлар жамоа характерини кўриш ва янги ўйинчиларни кашф этиш учун имкониятдир. Аммо футболчилар учун тақвим жисмонан жуда оғир," - деди Анчелотти журналистларга.