“Ан-Насср” ва Португалия терма жамоаси ҳужумчиси Криштиану Роналду футболдаги кумирлари ким эканлигини борасида фикр билдирди.

"Роналдо ва Роналдиньо футболда кўп нарса қолдирди. Мен улардан кўпроқ индивидуал совринларни ютган бўлишим мумкин, аммо улар Жаҳон чемпиони бўлишган. Мен уларнинг ўйинларини томоша қилиб улғайганман ва улар менинг кумирларим. Ким яхшироқ эканлиги муҳим эмас, энг муҳими – уларнинг футбол тарихига қўшган ҳиссаси",  дея Роналду сўзларини келтирди Give Me Sport нашри.

40 ёшли португалиялик профессионал фаолияти давомида 925 та гол уришга муваффақ бўлган.

У ҳозиргача “Спортинг”, “Манчестер Юнайтед”, “Реал”, “Ювентус” ва “Ан-Насср” каби жамоаларда тўп тепган.