"Рома" ва Италия терма жамоасининг собиқ ҳужумчиси Франческо Тотти мамлакатда футбол иқтидорлари жуда камлигини айтди.
“Италияда иқтидорлар жуда кам. "Брешия"да бир пайтлар Хосеп Гвардиола ва Роберто Баджиолар бор эди, аммо бугун биз уларнинг ўйинчиларининг исмларини ҳам билмаймиз", - дейди Тотти.
Эслатиб ўтамиз, Франческо Рим клубида 1992/1993 йилги мавсумдан 2017/2018 йилги мавсумгача ўйнаган. Бу даврда италиялик футболчи барча турнирларда 783 та ўйинда қатнашиб, 307 та гол урган ва 209 та голли узатмани амалга оширган.













