ОАВ хабарига кўра, "Челси" "Милан" ярим ҳимоячиси Тиджани Рейндерсга қизиқиш билдирмоқда.

Лондонликлар нидерландиялик футболчининг трансфери бўйича суриштирув ўтказишди. Қайд этилишича, Италия клуби бошлиқлари жорий А Сериядан сўнг Чемпионлар лигасига йўлланмани қўлга кирита олмаса, ярим ҳимоячини сотиш ҳақида ўйлашлари мумкин.

Аввалроқ Рейндерс “Милан” билан меҳнат шартномасини 2030-йилгача узайтирганди.

Рейндерс жорий мавсумда “Милан” сафида 40 та ўйин ўтказди. Уларда у 12 та гол урди ва 3 та голли узатмани амалга оширди.