OAV xabariga ko‘ra, "Chelsi" "Milan" yarim himoyachisi Tidjani Reyndersga qiziqish bildirmoqda.

Londonliklar niderlandiyalik futbolchining transferi bo‘yicha surishtiruv o‘tkazishdi. Qayd etilishicha, Italiya klubi boshliqlari joriy A Seriyadan so‘ng Chempionlar ligasiga yo‘llanmani qo‘lga kirita olmasa, yarim himoyachini sotish haqida o‘ylashlari mumkin.

Avvalroq Reynders “Milan” bilan mehnat shartnomasini 2030-yilgacha uzaytirgandi.

Reynders joriy mavsumda “Milan” safida 40 ta o‘yin o‘tkazdi. Ularda u 12 ta gol urdi va 3 ta golli uzatmani amalga oshirdi.