"Милан" ҳимоячи Максим де Кейперни сотиб олиши мумкин.

"Брюгге" сафида тўп тепаётган 24 ёшли футболчи келаси ёзда таркибни кучайтирувчи сифатида кўрилмоқда.

«Corriere dello Sport» хабарига кўра, яқинда клуб футболчига бўлган қизиқишни тасдиқлаш учун унинг агентлари билан алоқа ўрнатган.

Қайд этилишича, футболчи Европанинг яна бир қанча жамоалари, жумладан, "Арсенал," "Ювентус" ва "Вест Хэм"га ёқади.

Катта эҳтимол билан "Милан" бельгиялик футболчи учун 20 миллион еврогача тўлаши мумкин. Унинг трансфери шартномаси тугашига 1 йил қолган Тео Эрнандесни сотиб юбориш вариантини амалга оширади. Француз шартномасини узайтириш масаласида ҳозирча силжиш кузатилмаяпти.

Аммо "Милан"га янги спорт директори келгач, якуний қадамлар қўйилади.