"Аталанта"нинг 25 ёшли бразилиялик таянч ярим ҳимоячиси Эдерсонга "Ювентус," "Манчестер Сити" ва "Манчестер Юнайтед" клублари қизиқиш билдирмоқда. Бу ҳақда Tuttosport хабар бермоқда.
Манбага кўра, бразилиялик футболчига асосий даъвогарлардан бири Турин клуби ҳисобланади. Қайд этилишича, футболчи ҳақида "Ман Сити" ва "МЮ" клублари ҳам суриштирув ўтказган. Таъкидланишича, "Аталанта" ўтган ёзда ярим ҳимоячини АПЛда 40 млн еврога сотишдан бош тортган, аммо бу ёзда футболчини катта суммага қўйиб юборишга тайёр.
Жорий мавсумда Эдерсон барча мусобақаларда 39 та ўйинда майдонга тушиб, 4 та гол ва 2 та голли узатмани амалга оширди.
