"Atalanta"ning 25 yoshli braziliyalik tayanch yarim himoyachisi Edersonga "Yuventus," "Manchester Siti" va "Manchester Yunayted" klublari qiziqish bildirmoqda. Bu haqda Tuttosport xabar bermoqda.

Manbaga ko‘ra, braziliyalik futbolchiga asosiy da’vogarlardan biri Turin klubi hisoblanadi. Qayd etilishicha, futbolchi haqida "Man Siti" va "MYU" klublari ham surishtiruv o‘tkazgan. Ta’kidlanishicha, "Atalanta" o‘tgan yozda yarim himoyachini APLda 40 mln yevroga sotishdan bosh tortgan, ammo bu yozda futbolchini katta summaga qo‘yib yuborishga tayyor.

Joriy mavsumda Ederson barcha musobaqalarda 39 ta o‘yinda maydonga tushib, 4 ta gol va 2 ta golli uzatmani amalga oshirdi.