"Атлетик" бош мураббийи Эрнесто Вальверде Европа Лигаси 1/8 финал дастлабки ўйинида "Рома"дан учралган мағлубият (1:2) ҳақида фикр билдирди.
"Бу биз сентябрь ойида ўтказган ўйинга ўхшаш мувозанатли ўйин бўлди. "Рома" ва "Атлетик" - курашишни биладиган икки жамоа. Баъзида улар яхшироқ, баъзида эса биз. Сўнгги дақиқаларда ҳимояланишга мажбур бўлдик ва сўнгги сонияларда гол ўтказиб юбордик. Энди бизни "Сан-Мамес"да жавоб учрашуви кутиб турибди, у ерда жавоб бериш учун ҳаракат қиламиз," - дея Вальверденинг сўзларини келтиради УЕФА матбуот хизмати.
