"Интер Майами" ҳужумчиси Лионель Месси флоридаликларнинг навбатдаги ўйинини ўтказиб юбормоқда. 37 ёшли футболчи бугун бўлиб ўтаётган КОНКАКАФ Чемпионлар кубоги доирасида "Кавальер"га қарши учрашув қайдномасидан ўрин олмади. Аргентиналик футболчига аввалги ўйиндаги каби дам беришга қарор қилинди.
Умуман олганда, ҳужумчи барча турнирларда ҳозирги жамоасининг 30 та ўйинини ўтказиб юборди: 23 та ҳолатда у жароҳатлар ва турли хил соғлиқ муаммолари туфайли сафдан чиқди, яна етти марта миллий терма жамоага кетгани сабаб бўлди.
Эслатиб ўтамиз, Лионель Месси 2023 йилнинг ёзида "Интер Майами"га кўчиб ўтган эди. У бунгача "ПСЖ" ва "Барселона" клубларида тўп терган. Супер юлдузнинг "лочинлар" билан амалдаги шартномаси шу йилнинг охирида ўз ниҳоясига етади.
