Саудия Арабистони чемпионатининг 24-туридан ўрин олган "Ал-Фейҳа" - "Ал-Ҳилол" учрашуви бўлиб ўтди. Ўйин меҳмонларнинг 2:0 ҳисобидаги ишончли ғалабаси билан якунланди.
Учрашувдаги дастлабки гол 18-дақиқада киритилди. "Ал-Ҳилол" ярим ҳимоячиси Муҳаммад Канно ўзини кўрсатди. Голли узатма муаллифи португалиялик Рубен Невеш бўлди. 90-дақиқада сербиялик Александр Митрович меҳмонларнинг иккинчи голига муаллифлик қилди.
"Ал-Ҳилол" 24 учрашувдан сўнг 54 очкони қўлга киритди. Жамоа Саудия Арабистони чемпионати турнир жадвалининг иккинчи поғонасида жойлашган. Биринчи ўринда 58 очкога эга "Ал-Иттиҳод" бормоқда. "Ал-Фейҳа" ҳисобида 22 очко мавжуд. Клуб 14-ўринда бормоқда.
