Saudiya Arabistoni chempionatining 24-turidan o‘rin olgan "Al-Feyha" - "Al-Hilol" uchrashuvi bo‘lib o‘tdi. O‘yin mehmonlarning 2:0 hisobidagi ishonchli g‘alabasi bilan yakunlandi.
Uchrashuvdagi dastlabki gol 18-daqiqada kiritildi. "Al-Hilol" yarim himoyachisi Muhammad Kanno o‘zini ko‘rsatdi. Golli uzatma muallifi portugaliyalik Ruben Nevesh bo‘ldi. 90-daqiqada serbiyalik Aleksandr Mitrovich mehmonlarning ikkinchi goliga mualliflik qildi.
"Al-Hilol" 24 uchrashuvdan so‘ng 54 ochkoni qo‘lga kiritdi. Jamoa Saudiya Arabistoni chempionati turnir jadvalining ikkinchi pog‘onasida joylashgan. Birinchi o‘rinda 58 ochkoga ega "Al-Ittihod" bormoqda. "Al-Feyha" hisobida 22 ochko mavjud. Klub 14-o‘rinda bormoqda.