Саудия Арабистони Про-лигаси 24-туридан ўрин олган "Ал-Аҳли" - "Ал-Халиж" учрашуви бўлиб ўтди. Ўйин Жиддадаги "Шаҳзода Абдуллоҳ ал-Файсал" стадионида бўлиб ўтди. Баҳс 2:2 ҳисобида якунланди.

Ўйиннинг 30-дақиқасида "Ал-Халиж" ҳимоячиси Саид Ал-Хамсал ўз дарвозасини ишғол қилди. 45+2-дақиқада меҳмонлар ярим ҳимоячиси Абдулла Ал-Салом гол муаллифига айланди. 45+9-дақиқада ҳужумчи Фабиу Мартинш "Ал-Ҳалиж"ни ҳисобда олдинга олиб чиқди. 90-дақиқада ҳужумчи Вендерсон Галенонинг голи "Ал-Аҳли"ни мағлубиятдан қутқариб қолди.

"Ал-Аҳли" сафида Англия терма жамоасининг собиқ ҳужумчиси Айван Тони тўп тепмоқда, у ушбу учрашувда самарали ҳаракат қилмади.

"Ал-Аҳли" Саудия Арабистони чемпионати турнир жадвалида бешинчи ўринда бормоқда. Жамоа 24 ўйинда 48 очко тўплаган. "Ал-Халиж" 24 ўйиндан сўнг 30 очко жамғариб, 10-поғонадан жой олган. Биринчи ўринда 24 ўйинда 58 очко тўплаган "Ал-Иттиҳод" бормоқда.