Саудия Арабистони томони Винисиуснинг "Реал"да қолиш ва Мадрид клуби билан шартномасини узайтириш истагидан ҳайратда.

Эслатиб ўтамиз, бразилиялик футболчи Чемпионлар лигаси плей-офф босқичидан ўрин олган "Атлетико"га қарши ўйиндан сўнг "қаймоқранглилар" билан янги шартнома имзоламоқчи эканини маълум қилганди.

"Саудия лигаси футболчиларни танлаш қўмитаси Винисиуснинг баёнотларидан ҳайратда," - дея Саудия Арабистони лигаси расмий вакилининг сўзларини келтиради 365scores.

Шунингдек, у футболчининг баёноти уни сотиб олиш билан боғлиқ вазиятни мураккаблаштираётганини, бироқ 2025 йилнинг ёзида маҳаллий клублар футболчини қўлга киритишга яна уриниб кўриши мумкинлигини таъкидлади.

Саудия Арабистонида таъкидланишича, лиганинг мақсадларидан бири мамлакатда футболни оммалаштириш учун жаҳон юлдузларини жалб қилишдир.