Ливан билан сафарда эришилган дуранг Корея матбуотида кескин танқидларга учраётган бир пайтда терма жамоа сардори Квак Тэ Хви жамоадаги тушкунлик ҳақидаги фикрларга қўшилмаслигини билдирмоқда.
"Тўғри, биз ғалаба қозонишимиз шарт бўлган ўйинда бор-йўғи дуранг билан қайтдик. Аммо бу футбол. Саноқсиз ҳужумларингни рақиб битта жавоб билан остин-устун қилиб юбориши мумкин. Четдан қараганда, жамоамизда пасайиш кузатилиши мумкин. Лекин аслида ундай эмас. Биз ҳамон ғолиблик руҳиятидамиз", дейди ҳозирда Саудия Арабистонининг "Аш-Шабоб" клубида фаолият юритаётган Квак Тэ Хви.
У Ўзбекистон билан бўлажак ўйин ҳақида фикр билдираркан: "Осон ўйин бўлади деб ўйламайман. Энг муҳими ўзбекларга гол киритишларига имкон бермаслигимиз керак. Қандай услубда ўйнашимиз ёки кимлар майдонга тушишидан қатъий назар ғалабадан бошқаси керакмас", деди кореяликлар сардори.
Отабек Йўлдошев
Жанубий Корея, Сеул
