"Манчестер Сити" бош мураббийи Хосеп Гвардиола Чемпионлар Лигаси йўлланмаси учун кураш ҳақида ўз фикрлари билан ўртоқлашди.
"Қулоқ солинг, мен Чемпионлар лигасига чиқишимизни истайман. У ерга чиқа олмаслик муаммо бўлади, лекин бу фалокат эмас. Премьер-лигада шундай клублар борки, улар Чемпионлар лигасига чиқа олмаган, аммо кейин яна ортга қайтган.
"Манчестер Сити" кетма-кет неча йил Чемпионлар Лигасида ўйнади? Ўнта? Йўқ, кўпроқ. Ҳолбуки, бунгача клуб бирор марта ҳам турнирда иштирок этмаганди. Биз ғайриоддий ишларни қилишга одатланганмиз ва яна уриниб кўрамиз. Биз ўша ерда бўламиз!" - дея Гвардиоланинг сўзларини келтиради City Report.
