Корея футбол блоггерлари ҳужумчи Ли Донг Гук сари тинмай танқид тошларини ёғдираётган бир пайтда бунга жавобан ҳужумчи жилмайганча: "Бундай нарсаларни кўнглимга олиб, йиғлоқилик қиладиган ёшдан ўтганман", дея муносабат билдирди.
У Ливан билан бўлган ўйинда алмаштиришсиз тўлиқ ҳаракат қилган бўлса ҳам гол киритишни уддалай олмади. Ҳатто биринчи таймда яққол голли вазиятни кўкка совурди. Бу эса катта умидлар қилаётган кореяликларнинг ҳафсаласини пир қилди.
"Терма жамоада ички муҳит яхши эмаслиги ва гуруҳбозлик борлиги ҳақидаги ҳамма гаплар ҳақиқатдан йироқ. Жамоадошлар билан орамизда ҳеч қандай муаммо йўқ. Биз Ливан билан бўлган дуранг даҳшатларини тезда унутиб, қолган баҳслар ҳақида фикрлашимиз керак. Унутиш — энг яхши даво. Бу футболда жуда муҳим", дейди 34 ёшли фахрий ҳужумчи.
Отабек Йўлдошев, Жанубий Корея, Сеул
