"Барселона" ҳужумчиси Рафинья Чемпионлар Лигаси 1/8 финал жавоб ўйинида "Бенфика"га қарши кечган баҳс (3:1) ҳақида фикр билдирди.
"Биз ўйнайдиган ҳар бир турнирда ғолибликка даъвогарлик қиламиз. Биз бугун айнан қандай ўйнашимиз кераклигини жуда аниқ тушундик. Ўйлайманки, биз буни аъло даражада уддаладик. Айниқса, биринчи бўлимда. Мен учун энг муҳими - бутун жамоанинг муваффақияти. Жамоа шифокори Карлес Миньярро вафоти туфайли қийин кунлар бўлди, аммо буларнинг барчаси бизга янада кўпроқ куч ва ғалаба қозониш кайфиятини берди," - дея Рафиньянинг сўзларини келтиради УЕФА матбуот хизмати.
