"Реал" майдон марказини кучайтириш бўйича режалар тузмоқда. TodoFichajes нашрининг хабар беришича, мадридликлар "ПСЖ" ярим ҳимоячиси Жоау Невешга қизиқмоқда. "Қаймоқранглилар" 20 ёшли португалиялик футболчини Тони Крооснинг ўрнини босиши мумкин деб ҳисобламоқда.
Манбага кўра, "Реал" Жоау Невешни мадридликлар томонидан 20 миллион евро қўшимча тўлов эвазига Эдуардо Камавингага алмаштириш имкониятини кўриб чиқмоқда. Шу билан бирга, "ПСЖ" Невешни қўйиб юбормоқчи эмас.
Яқинда матбуотда Жоау Невешга "Манчестер Сити" бош мураббийи Хосеп Гвардиола қизиқиш билдираётгани ҳақида хабарлар тарқалганди.
