Луис Энрике "ПСЖ" пенальтилар сериясига тайёргарлик кўрмаганини айтди.

Парижликлар ЕЧЛ 1/8 финалида “Ливерпул”ни пенальтилар сериясида мағлуб этишди (1:1 – умумий ҳисоб, 4:1 – пеналтилар).

"Тажрибам шуни кўрсатадики, сўнгги жаҳон чемпионатида Испания - Марокаш учрашувида биз учта пеналти тепганмиз.

Ижрочилар жуда юқори даражадаги учта ўйинчи эди ва учта зарба ҳам муваффақиятсиз бўлди.

Бу сафар пеналтига тайёрланмадик. Витинья, Усмон, Гонсалу зарба беришди. Ва охирги зарбани 19 ёшли йигит Дезире Дуэ берди.

Якунда ҳаммаси мен ўйлагандан кўра футболчилар ва дарвозабоннинг ўзини қандай ҳис қилишига боғлиқ", — деди “ПСЖ” бош мураббийи.