Ўзбекистон давлат жисмоний тарбия ва спорт университетида талабаларни футбол ҳакамлигига жалб қилиш ва ўқитиш бўйича семинар ўтказилди.
Семинар давомида талабаларни ҳакамлик, таҳлил ва мураббийлик курсларига жалб қилиш, шунингдек, университетда махсус ўқув дастурларини ташкил этиш масалалари муҳокама қилинди.
Футбол назарияси ва услубияти кафедраси билан ҳамкорликда ҳакамларни тайёрлаш дастурларини ишлаб чиқиш бўйича фикр алмашилди.
Ушбу ташаббус ёш футбол ҳакамларини тайёрлаш ва уларнинг келажакдаги фаолиятига йўл очишда муҳим қадам бўлиб хизмат қилади.
