"Манчестер Юнайтед" ҳимоячиси Патрик Доргу Европа Лигаси 1/8 финал жавоб ўйинида "Реал Сосьедад"га қарши кечган баҳс (4:1) ҳақида фикр билдирди.
"Ҳақиқатан ҳам чиройли ғалаба қўлга киритилди ва биз биринчи дақиқаданоқ майдонда устунлик қилдик. Рақиб тезда пенальти ишлаб олди, аммо биз бунга тўғри муносабатда бўлдик ва муваффақиятли ўйнадик. Асосийси, тўпни назорат қилиш, сабр-тоқатли бўлиш ва ортиқча асабийлашмаслик, шунчаки ўз ўйинини кўрсатиш эди.
"Лион" - жуда яхши жамоа. Мен уларни кўп кузатмадим, лекин жамоада жуда яхши ўйинчилар бор, шунинг учун олдинда қийин ўйин турибди. Тушунамизки, ушбу турнир биз ва мухлисларимиз учун жуда муҳим. Шунчаки ҳар бир ўйинга алоҳида ёндашишга ҳаракат қиламиз, кейин эса қанчалик узоққа бора олишимизни кўрамиз," - дея Доргунинг сўзларини келтиради УEФА матбуот хизмати.
