"Manchester Yunayted" himoyachisi Patrik Dorgu Yevropa Ligasi 1/8 final javob o‘yinida "Real Sosyedad"ga qarshi kechgan bahs (4:1) haqida fikr bildirdi.
"Haqiqatan ham chiroyli g‘alaba qo‘lga kiritildi va biz birinchi daqiqadanoq maydonda ustunlik qildik. Raqib tezda penalti ishlab oldi, ammo biz bunga to‘g‘ri munosabatda bo‘ldik va muvaffaqiyatli o‘ynadik. Asosiysi, to‘pni nazorat qilish, sabr-toqatli bo‘lish va ortiqcha asabiylashmaslik, shunchaki o‘z o‘yinini ko‘rsatish edi.
"Lion" - juda yaxshi jamoa. Men ularni ko‘p kuzatmadim, lekin jamoada juda yaxshi o‘yinchilar bor, shuning uchun oldinda qiyin o‘yin turibdi. Tushunamizki, ushbu turnir biz va muxlislarimiz uchun juda muhim. Shunchaki har bir o‘yinga alohida yondashishga harakat qilamiz, keyin esa qanchalik uzoqqa bora olishimizni ko‘ramiz," - deya Dorguning so‘zlarini keltiradi UEFA matbuot xizmati.
