"Манчестер Юнайтед" бош мураббийи Рубен Аморим Бруну Фернандешнинг ўйини ҳақида ўз фикрларини билдирди.
"Бруну каби ўйинчига айниқса қийин бўлади. Баъзида у ғалабага ҳаддан ташқари интилади - аммо бу яхши. Гоҳида у жамоадошларига ишонмай, норозилигини очиқ намоён этиши мумкин, лекин зарур пайтда доим ёнида бўлади.
У стандарт вазиятларни моҳирона бажаради, кучли босим остида пенальтиларни ишончли тепади, тез қарши ҳужумларни уюштиради. Биз унга совринлар қозонишига кўмаклашишимиз керак, чунки у бунга муносиб," - дея Аморимнинг сўзларини келтиради BBC.
