"Барселона" ҳимоячиси Алехандро Бальде "Атлетико" ҳужумчиси Хулиан Альвареснинг "Реал"га қарши ўйиндаги хатоси ҳақида гапирди.
Эслатиб ўтамиз, Чемпионлар Лигаси 1/8 финал жавоб учрашувида пенальтилар сериясида Альварес зарба бериш вақтида икки оёғи билан тўпга тегиб кетган ва гол бекор қилиниб, жамоа якунда турнирни тарк этганди.
"Хулиан Альвареснинг пенальтидан омади келмади - у сирпаниб кетди ва икки оёғи тўпга тегди. Қоида кимгадир ғалати туюлиши мумкин, аммо бу амал қилиш керак бўлган қоида," - дея Бальденинг сўзларини келтиради Barca Universal.
