"Ливерпуль" марказий ҳимоячиси Иброҳим Конате Европанинг бир қатор грандлари қизиқишлари доирасида бўлиб турибди.
TBR Football хабарига кўра, "Челси" ва "Барселона" аллақачон 25 ёшли французнинг трансфери масаласида "Ливерпуль"га сўров юборган. Қайд этилишича, мерсисайдликлар ҳозирча Конате билан янги шартнома борасида келиша олмаяпти.
Манбанинг таъкидлашича, футболчининг ҳолатини "ПСЖ" ва "Реал" ҳам диққат билан кузатиб бормоқда.
Конате бу мавсумда барча мусобақаларда 33 та учрашувда майдонга тушиб, 2 та гол урди ва 2 та голли узатмани амалга оширди.
