Килиан Мбаппе барча мусобақалар оирасида кетма-кет етти мавсумдан камида 30 та гол уриб, франциялик футболчилар орасида рекорд ўрнатди.  

"Реал Мадрид"нинг 26 ёшли ҳужумчиси "Вильярреал"га қарши Ла Лиганинг 28-тур учрашувида биринчи таймда олти дақиқа ичида дубль қайд этди (биринчи бўлимдан сўнг ҳисоб — 2:1). У жорий мавсумдаги голлари сонини 31 тага етказиб олди.

Шу тариқа, Килиан Европанинг топ-5 лигалари тарихида кетма-кет 7 мавсум 30+ гол урган биринчи француз футболчисига айланди.

Мбаппе 2023/24 мавсумида "ПСЖ" учун 45 та гол урган, ундан олдинги мавсумларда эса мос равишда 41, 39, 42, 30, 39 та тўп киритган.