"Ньюкасл" форварди Александр Исак фаолиятини "Барселона"да давом эттириши мумкин.
Fichajes нашрининг таъкидлашича, "Барселона" Исакни Роберт Левандовскига ўринбосар сифатида кўрмоқда, аммо клуб швециялик ҳужумчи учун "қарғалар" сўраган 110 миллион еврони беришга тайёр эмас. Шу билан бирга, "кўк-анорранглилар" барибир Исакнинг трансферини истисно қилмаяпти.
Манбага кўра, "Барселона" футболчиларни қўшимча тўлов эвазига алмаштириш вариантларини кўриб чиқмоқда. Бундан ташқари, каталонияликлар "Ньюкасл"дан 65 миллион евролик биринчи траншда тўлов суммасини бир неча йилга бўлиб беришни сўраши мумкин.
Бу мавсумда 25 ёшли Исак 32 та ўйинда 22 та гол урди ва 5 та голли узатмани амалга оширди.
