Якшанба куни бўлиб ўтган Франция чемпионатидан ўрин олган "ПСЖ" – "Марсель" ўйини вақтида париж клуби мухлислари трибунага Адриен Рабьо ва унинг онаси Вероникага нисбатан ҳақоратомуз матн ёзилган баннер осиб қўйишди. Хабарингиз бор, Рабьо бир пайтлар "ПСЖ"да ўйнаган, ҳозир эса "Марсель" шарафини ҳимоя қилмоқда.
"Албатта, мен шикоят қиламан. Нега ўйин тўхтатилмаганини тушунмаяпман. Нега ҳеч ким ғазабланмаслигини тушунмаяпман. Мен ҳақиқатан ҳам ғазабдаман, жумладан, бунга ҳеч ким муносабат билдирмаганидан", - деди Вероник Business Standard билан суҳбатда.
Айтиш жоизки, Вероник Рабьонинг нафақат онаси, балки унинг агенти ҳамдир.
