"Ливерпуль" марказий ҳимоячиси Виржил ван Дейкга "Пари Сен-Жермен" қизиқмоқда. Лига 1 гранди нидерландиялик футболчини ёзги трансферлар ойнаси учун устувор мақсад сифатида белгилади. Журналист Сем Макгуайрнинг маълум қилишича, "қизиллар"нинг ҳозирги сардори "ПСЖ"да икки йил давомида тахминан 80 миллион евро ишлаб олиши мумкин, шунингдек, 33 ёшли футболчига катта имзо бонусини таклиф қилишга тайёр.
Эслатиб ўтамиз, Виржил ван Дейкнинг "Ливерпуль" билан амалдаги келишуви июль ойида ўз ниҳоясига этади. Футболчига Саудия Арабистонининг "Ал-Ҳилол" клуби ҳам қизиқиш билдирмоқда.
Жорий мавсумда ван Дейк Арне Слот жамоаси сафида 41 та ўйинда майдонга тушиб, 3 та гол урган.
