Жан Пьеро Гасперинига Европа ва Саудия Арабистонининг бир қатор топ-клублари қизиқиш билдирмоқда.
Журналист Николо Скиранинг маълум қилишича, 67 ёшли Гасперинини жамоа бош мураббийи лавозимига тайинлашдан нафақат "Ювентус" ва "Рома" манфаатдор. Таниқли мутахассисга бир қатор хориж клублари, хусусан, Франция, Португалия ва Саудия Арабистони клублари келгуси мавсумда ишлаш таклифи билан мурожаат қилиб улгурган.
Эслатиб ўтамиз, унинг "Аталанта" билан амалдаги шартномаси 2026 йилнинг ёзигача мўлжалланган, аммо у шу ёздаёқ клубни тарк этиши мумкин.
Айни пайтда унинг қўл остидаги бергамоликлар Италия чемпионатида 29 турдан сўнг 58 очко жамғариб, А Серия турнир жадвалида учинчи ўринни эгаллаб турибди.
