Jan Pyero Gasperiniga Yevropa va Saudiya Arabistonining bir qator top-klublari qiziqish bildirmoqda.
Jurnalist Nikolo Skiraning ma’lum qilishicha, 67 yoshli Gasperinini jamoa bosh murabbiyi lavozimiga tayinlashdan nafaqat "Yuventus" va "Roma" manfaatdor. Taniqli mutaxassisga bir qator xorij klublari, xususan, Fransiya, Portugaliya va Saudiya Arabistoni klublari kelgusi mavsumda ishlash taklifi bilan murojaat qilib ulgurgan.
Eslatib o‘tamiz, uning "Atalanta" bilan amaldagi shartnomasi 2026 yilning yozigacha mo‘ljallangan, ammo u shu yozdayoq klubni tark etishi mumkin.
Ayni paytda uning qo‘l ostidagi bergamoliklar Italiya chempionatida 29 turdan so‘ng 58 ochko jamg‘arib, A Seriya turnir jadvalida uchinchi o‘rinni egallab turibdi.
