"Ювентус" юлдузи Кенан Йилдиз мавсумни Тьяго Моттанинг режаларидаги асосий футболчи сифатида бошлади, аммо агар фойдали таклиф тушса, туринликлар уни шу ёздаёқ сотишга тайёр бўлиши мумкин.
Тьяго Мотта дастлаб 19 ёшли туркиялик футболчига фаол ишонган ва мавсумнинг дастлабки ойларида уни мунтазам равишда майдонга туширганди. Аммо сўнгги пайтларда вазият ўзгарди - Йилдиз тобора камроқ ўйин амалиётига эга бўлмоқда.
Журналист Даниэле Лонгонинг ёзишича, "Ювентус" Йилдизни жуда қадрласа-да, уни дахлсиз деб ҳисобламайди. Айниқса, агар жамоа Чемпионлар лигасига чиқа олмаса, бу жиддий молиявий зарба бўлади.
Бир неча ҳафта олдин Туринга таниқли агент Жорже Мендеш келган ва у "Юве" раҳбарияти билан ҳам, футболчининг оиласи билан ҳам учрашганди. Айниқса, "Астон Вилла" турк истеъдодига қизиқиш билдирганидан сўнг, унинг трансфери ҳақида миш-мишлар тарқалди.
Маълум бўлишича, "Ювентус" спорт директори Криштиано Жунтоли футболчининг нархини 75-80 миллион евро этиб белгилаган.
