"РБ Лейпциг" ҳужумкор ярим ҳимоячиси Хави Симонс "Манчестер Юнайтед" эътиборида бўлиб турибди.
"Қизил иблислар" ўтган йилдаёқ нидерландиялик футболчига қизиқиш билдирган, бироқ аниқ ҳаракат қилишмаган. Январь ойида "РБ Лейпциг" Симонсни "ПСЖ"дан 50 млн еврога сотиб олганди, аммо тез орада футболчи яна клубини ўзгартириши мумкин. Журналист Флориан Плеттенбергнинг маълум қилишича, "Манчестер Юнайтед" яқиндагина амалга оширилган трансферга қарамай, 21 ёшли юлдузни фаол кузатишда давом этмоқда. Асосий муаммо - нарх: "қизил буқалар" футболчи учун тахминан 80 млн евро талаб қилмоқда.
Хави Симонс жорий мавсум 25 та ўйинда 8 та гол ва 5 та ассистни ўз ҳисобига ёздириб қўйди.
