"RB Leypsig" hujumkor yarim himoyachisi Xavi Simons "Manchester Yunayted" e’tiborida bo‘lib turibdi.

"Qizil iblislar" o‘tgan yildayoq niderlandiyalik futbolchiga qiziqish bildirgan, biroq aniq harakat qilishmagan. Yanvar oyida "RB Leypsig" Simonsni "PSJ"dan 50 mln yevroga sotib olgandi, ammo tez orada futbolchi yana klubini o‘zgartirishi mumkin. Jurnalist Florian Plettenbergning ma’lum qilishicha, "Manchester Yunayted" yaqindagina amalga oshirilgan transferga qaramay, 21 yoshli yulduzni faol kuzatishda davom etmoqda. Asosiy muammo - narx: "qizil buqalar" futbolchi uchun taxminan 80 mln yevro talab qilmoqda.

Xavi Simons joriy mavsum 25 ta o‘yinda 8 ta gol va 5 ta assistni o‘z hisobiga yozdirib qo‘ydi.