Миланнинг "Интер" клуби ярим ҳимоячиси Давиде Фраттези Италиянинг бошқа топ-клубига ўтиши мумкин.

25 ёшли футболчи Симоне Индзаги жамоасида кам ўйин амалиётига эга бўлмоқда, шу сабабли хавбекнинг эҳтимолий кетиши қишки трансферлар давридаёқ фаол муҳокама қилинган эди. Январь ойида Фраттезига "Рома" ва "Тоттенхэм" клублари қизиқиш билдирганди, аммо келишув амалга ошмади.

Инсайдер Жанлука ди Марционинг маълум қилишича, "Наполи" яқинлашиб келаётган трансферлар даврида ўрта чизиқни кучайтириш ниятида ва Фраттези эҳтимолий номзодлардан бири. Манбанинг таъкидлашича, партенопияликлар италиялик футболчини ўтган қишда ҳам ўз сафига қўшиб олиш ҳақида ўйлашган. Transfermarkt талқинига кўра, футболчининг нархи 32 млн еврога тенг.