Англия терма жамоаси сардори Харри Кейн Томас Тухелнинг "уч шерлар"га бош мураббий этиб тайинланганидан ҳайратда қолганини тан олди.
Ўтган мавсумда Тухель "Бавария"да Кейнга устозлик қилган, энди эса Томас ва Харри Англия терма жамоасида ишлайди.
"Тўғрисини айтсам, ҳайрон бўлдим. Буни кутмагандим. Мен уни терма жамоа мураббийи сифатида кўрмаганим учундир. Лекин бу эълон қилинганида ҳаяжонландим.
Ўтган йили у билан ишлаш жуда ёқимли эди. У бизникидек жамоага нима олиб келишини биламан.
Машғулот йиғинида у ўрганади ва биз у билан яқинроқ танишамиз ва такомиллашамиз. Лекин кун охирида ҳаммаси келаси йил учун жамоа тузишга боғлиқ", - деди Кейн Sky Sports билан суҳбатда.
